Саудалық атауы

Медоклав

Халықаралық патенттелмеген атауы

Жоқ

Дәрілік түрі

Ішке қабылдау үшін  суспензия дайындауға арналған 156.25 мг /5 мл ұнтақ

Құрамы

1 мл суспензияның құрамында

белсенді заттар - 28.70 мг амоксициллин  тригидраты (25.00 мг амоксициллинге  баламалы)

14.88 мг калий клавуланатының + кремний қостотығының қоспасы (1 :1)

(6.25 мг клавулан қышқылына баламалы)

қосымша заттар: ксантан шайыры, гидроксипропилметилцеллюлоза, натрий сахарині, сусыз коллоидты кремнийдің қостотығы (Аэросил), сусыз коллоидты кремнийдің қостотығы (Силоид АL-1), құлпынай хош иістендіргіші, шабдалы хош иістендіргіші, лимон хош иістендіргіші, сукцин қышқылы

Сипаттамасы

Ақтан ақ дерлік түске дейінгі сусымалы ұнтақ.

Өзіне тән иісі бар, ақтан ақ дерлік түске дейінгі дайындалған суспензия.

Фармакотерапиялық  тобы

Жүйелі қолдануға арналған микробқа қарсы  препараттар. Жүйелі қолдануға арналған бактерияға қарсы препараттар.Бактерияға қарсы бета-лактамды препараттар – Пенициллиндер. Бета-лактамаза тежегіштерімен біріктірілген пенициллиндер. Клавулан қышқылы + амоксициллин

АТХ коды J01CR02

Фармакологиялық қасиеттері

Фармакокинетикасы

Абсорбциясы

Амоксициллин мен клавулан қышқылы рН физиологиялық мәні бар сулы ерітінділерде жақсы ериді, ішу арқылы қабылдағаннан кейін асқазан-ішек жолынан тез әрі толығымен сіңеді. Амоксициллин мен клавулан қышқылының сіңуі препаратты тамақтанудың алдында қабылдаған жағдайда ұтымды болмақ. Препаратты ішке қабылдағаннан кейін оның биожетімділігі 70 % құрайды. Препарат қос компонентінің бейіндері ұқсас және плазмада шектік концентрациясына (Тmax) шамамен 1 сағаттта жетеді. Амоксициллин мен клавулан қышқылының концентрациясы қан сарысуында амоксициллин мен клавулан қышқылын бірге, сонымен қатар әр компонентті бөлек қолдану жағдайындағы сияқты бірдей. 

Таралуы

Амоксициллин мен клавулан қышқылының плазма ақуыздарымен байланысуы:  клавулан қышқылы үшін 25% және амоксициллин үшін 18% құрайды.  Анық таралу көлемі амоксициллин үшін шамамен 0,3-0,4 л/кг және клавулан қышқылы үшін 0,2 л/кг құрайды.

Амоксициллин мен клавулан қышқылының емдік концентрацияларына әр түрлі ағзалар мен тіндерде, интерстициальді сұйықтықта (өкпеде, іш қуысының мүшелерінде, өт қалтасында, май, сүйек және бұлшықет тіндерінде, плевралық, синовиальді және перитонеальді сұйықтықтарда, теріде, өтте, іріңді бөліністерде, қақырықта) жетеді. Амоксициллин мен клавулан қышқылы іс жүзінде жұлын-ми сұйықтығына өтпейді.

Амоксициллин, көптеген пенициллиндер сияқты емшек сүтімен бөлінеді. Емшек сүтінде, сондай-ақ клавулан қышқылының іздік мөлшерлері анықталған. Сенсибилизация қаупін қоспағанда, емшек еметін сәбилердің денсаулығына жағымсыз ықпал етпейді. Амоксициллин мен клавулан қышқылы плацентарлық бөгет арқылы өтеді.

Элиминациясы

Амоксициллин негізінен бүйрек арқылы, ал клавулан қышқылы – бүйректік және бүйректен тыс механизмдер арқылы шығарылады Амоксициллин/клавулан қышқылының жартылай шығарылу кезеңі орташа шамамен бір сағатты және дені сау субъектілерде орташа жалпы клиренсі шамамен 25 л/сағ құрайды. Амоксицилиннің шамамен 60-тан 70%-ға дейіні және клавулан қышқылының 40-тан 65%-ға дейіні амоксициллин/клавулан қышқылының 250 мг/125 мг немесе 500 мг/125 мг таблеткаларын бір рет қабылдағаннан кейін организмнен  өзгермеген күйде алғашқы 6 сағат ішінде несеппен шығарылады. Әртүрлі зерттеулер 24 сағат кезең ішінде амоксициллиннің несеп арқылы шығарылуы 50-85%-ды және клавулан қышқылының 27-ден 60%-ға дейінді құрайтынын көрсетті. Клавулан қышқылы үшін препараттың көбірек мөлшері  қабылдағаннан кейін алғашқы 2 сағат ішінде шығарылады.

Пробенецидті қатарлас қабылдау амоксициллин шығарылу үдерісін іркеді, бірақ клавулан қышқылының бүйректік экскрециясына кедергі жасамайды.

Метаболизм

Амоксициллин бастапқы дозасының 10-25%-ына баламалы белсенді емес пенициллин қышқылы түрінде ішінара несеппен шығарылады. Клавулан қышқылы организмде 2,5-дигидро-4-(2-гидроксиэтил)-5-оксо-1Н-пиррол-3-карбон қышқылына және 1-амино-4-гидрокси-бутан-2-онаға дейін қарқынды метаболизмге ұшырайды да және несеппен және нәжіспен, сондай-ақ деммен шығарылған ауа арқылы көмірқышқыл газы түрінде шығарылады.

Жасы

 3 айлықтан  2 жасқа дейінгі балалардағы, сондай-ақ үлкен жастағы балалардағы және ересектердегі амоксициллиннің жартылай шығарылу кезеңі ұқсас болады. Өте кішкентай балалар үшін (жаңа туған шала нәрестелерді қоса) дәрілік заттың бүйректік шығарылу жолдарының жетілмеуі салдарынан өмірінің бірінші аптасында  қабылдау аралығы күніне екі реттен аспауы тиіс. Егде жастағы пациенттерде бүйрек функциясының төмендеуі ықтималырақ болғандықтан доза таңдағанда сақ болу керек және бұндай пациенттер үшін бүйрек функциясы бақылануы дұрыс.

Жынысы

Амоксициллин/клавулан қышқылын пероральді қабылдаудан кейін дені сау еркектер мен әйелдерде адамның жынысы мен амоксициллин немесе клавулан қышқылының фармакокинетикасы арасында елеулі тәуелділік анықталмады.

Бүйрек жеткіліксіздігі

Амоксициллин/клавулан қышқылының жалпы сарысулық клиренсі бүйрек функциясының төмендеуіне пропорционалды азаяды. Дәрілік заттың шығарылуының кезеңі қысқаруы клавулан қышқылына қарағанда амоксициллин үшін айқындау, өйткені амоксициллиннің жоғарырақ үлесі бүйрек арқылы шығарылады. Сондықтан бүйрек жеткіліксіздігінде анықталған доза клавулан қышқылының тиісті деңгейін ұстап тұрғанда амоксициллиннің шамадан тыс жинақталуына кедергі келтіруі тиіс.

Бауыржеткіліксіздігі

Бауыржеткіліксіздігі бар пациенттерге препаратты сақтықпен тағайындау керек, және бауыр функциясына мезгіл-мезгіл бақылау жүргізу керек.

Фармакодинамикасы

Әсер ету механизмі

Медоклав –– бұл құрамында амоксициллин мен клавулан қышқылы бар, кең ауқымды бактерицидті әсер ететін, бета-лактамазаға төзімді біріктірілген антибиотик.

Амоксициллин – бұл кең ауқымды әсері бар жартылай синтетикалық  (бета-лактамды) антибиотик, көптеген грамоң және грамтеріс микроорганизмдерге қатысты белсенді. Амоксициллиннің әсер ету механизмі бактериялардың жасуша жақтаулары  пептидогликандарының биосинтезін тежеуіне негізделген, бұл әдетте жасушалар лизисіне және қырылуына әкеледі. 

Амоксициллин бета-лактамазалар әсерімен ыдырайды және сондықтан оның белсенділігінің спектрі осы ферментті өндіретін микроорганизмдерге әсер етпейді.

Клавулан қышқылы – бұл бета-лактам, химиялық құрылымы бойынша пенициллиндерге жақын, пенициллиндер мен цефалоспориндерге төзімділік танытатын микроорганизмдердің бета-лактамазалар энзимдері белсенділігін жоятын қабілеті бар, сол арқылы амоксициллин белсенділігінің жойылуын болдырмайды. Бета-лактамазаларды көптеген грамоң және грамтеріс бактериялар өндіреді. Бета-лактамазалардың әсері патогендерге әсері басталғанға дейін-ақ кейбір бактерияға қарсы препараттардың ыдырауына алып келуі мүмкін. Клавулан қышқылы бактериялардың амоксициллинге сезімталдығын қалпына келтіре отырып, ферменттердің әсерін бөгейді.  Атап айтқанда, дәрілік резистенттілігімен жиі байланысты болып келетін плазмидті бета-лактамазаларға қатысты жоғары белсенділікке ие, бірақ 1 типті хромосомалық бета-лактамазаларға қатысты тиімділігі төмендеу.

Медоклав® препаратының құрамында клавулан қышқылының болуы амоксициллинді бета-лактамазалардың ыдырататын әсерінен қорғайды және оған микроорганизмдерді, әдетте басқа пенициллиндер мен цефалоспориндерге  резистентті микроорганизмдерді қоса отырып, оның  бактерияға қарсы ауқымын кеңейтеді. Клавулан қышқылы монопрепарат түрінде бактерияға қарсы клиникалық маңызды әсер етпейді.

Төзімділіктің даму механизмі

Медоклав® препаратына төзімділік дамуының екі негізгі механизмі төмендегідей:

- - B, C, D кластарын қоса, клавулан қышқылының әсер етуіне сезімталдығы жоқ бактериялық бета-лактамазалармен белсенділікті жою

- антибиотиктің микроорганизмге қатысты аффинділігін азайтуға әкелетін пенициллин-байланыстырушы ақуыздар деформациясы

Бактериялық қабырғаның өткізбеушілігі, сондай-ақ помпа механизмдері, әсіресе грамтеріс микроорганизмдердің төзімділігі дамуын туындатады немесе ықпалын тигізеді.

Сезімталдығы жоғары қоздырғыштар

Грамоң аэробтар

Enterococcus faecalis

Gardnerella vaginalis

Staphylococcus aureus (метициллинге сезімтал)

Коагулаза-негативті стафилококктар (метициллинге сезімтал)

Streptococcus agalactiae

Streptococcus pneumoniae1

Streptococcus pyogenes және басқа да бета-гемолиздік стрептококктар

Streptococcus viridans тобы

Грамтеріс аэробтар

Capnocytophaga spp.

Eikenella corrodens

Haemophilus influenza

Moraxella catarrhalis

Pasteurella multocida

Анаэробты микроорганизмдер

Bacteroides fragilis

Fusobacterium nucleatum

Prevotella spp.

Ықтималды жүре пайда болған төзімділігі бар микроорганизмдер

Грамоң аэробтар

Enterococcus faecium*

Грамтеріс аэробтар

Escherichia coli

Klebsiella oxytoca

Klebsiella pneumonia

Proteus mirabilis

Proteus vulgaris

Табиғи төзімділігі бар микроорганизмдер:

Грамтеріс аэробтар

Acinetobacter species

Citrobacter freundii

Enterobacter species

Legionella pneumophila

Morganella morganii

Providencia species

Pseudomonas species

Serratia species

Stenotrophomonas maltophilia

Басқалар:

Chlamydia trachomatis

Chlamydophila pneumoniae

Chlamydophila psittaci

 Coxiella burnetti

Mycoplasma pneumoniae.

1 Пенициллиндерге төзімді  Streptococcus pneumoniaeштаммдарын қоспағанда

* Жүре пайда болған төзімділік болмағанда табиғи сезімталдық

Қолданылуы

- жедел бактериялық синуситте (диагнозы расталғанда)

-  ортаңғы құлақтың жедел отиті

- созылмалы бронхиттің өршуінде (диагнозы расталғанда)

- ауруханадан тыс пневмонияда

- цистит

- пиелонефрит

- тері мен жұмсақ тіндердің инфекцияларында (атап айтқанда, тері асты шелінің қабынуы - целлюлитте, жәндіктер шаққанда, жедел абсцесстер мен жақсүйек-бет маңының флегмоналарында)

- сүйектер мен буындар инфекцияларында (атап айтқанда, остеомиелитте)

Бактерияға қарсы дәрілерді тиісінше қолдану бойынша ресми нұсқауларды назарға алу керек.

Қолдану тәсілі және дозалары

Доза жеке-дара компонентке қатысты көрсетілетін жағдайларды қоспағанда, дозақұрамы амоксициллин/клавулан қышқылы ретінде беріледі.

Медоклав дозасын анықтағанда күтілетін патогенді организмді және оның

бактерияға қарсы агенттерге сезімталдығын, ауырлық дәрежесін және пациенттің жұқтырған орнын, жасын, салмағын және бүйрек функциясын

ескеру керек.

Медоклав дәрілік затының баламалы шығарылу түрлерін (мысалы, құрамында амоксициллиннің және/немесе амоксициллиннің клавулан қышқылына әртүрлі арақатынасындағы жоғарырақ дозасы) қолдануды қажет болуына қарай қарастыру керек.

Ересектер және дене салмағы 40 кг астам балалар үшін төменде көрсетілген ұсыныстарға сәйкес қабылдаған жағдайда Медоклавтың бұл химиялық құрамы 1500 мг амоксициллин/375 мг клавулан қышқылының жалпы тәуліктік дозасын қамтамасыз етеді. Дене салмағы 40 кг аз балалар үшін төменде көрсетілген ұсыныстарға сәйкес қабылдаған жағдайда Медоклавтың бұл химиялық құрамы 2400 мг амоксициллин/600 мг клавулан қышқылының ең жоғары тәуліктік дозасын қамтамасыз етеді. Егер амоксициллиннің жоғарырақ тәуліктік дозасын қабылдау қажеттілігі туындаса клавулан қышқылының шамадан тыс жоғары тәуліктік дозасын қабылдаудан аулақ болу үшін Медоклавтың басқа құрамын таңдау ұсынылады.

Жүргізілетін емнің уақыты жүргізілетін емге пациенттің жауабына байланысты болады. Кейбір патологиялар (атап айтқанда, остеомиелит) анағаұрлым ұзақ курсты қажет етуі мүмкін. Емдеуді науқастың жай-күйін қайтадан бағаламай, 14 күннен ұзақ жалғастыруға болмайды.

Ересектер және дене салмағы 40 кг астам балалар

Күніне үш рет қабылданатын бір доза 500 мг/125 мг.

Дене салмағы 40 кг аз балалар

Күніне 20 мг/5 мг/кг-ден күніне 60 мг/15 мг/кг дейінгі үшке бөлінген дозада.

Балалар үшін  Медоклавты  таблетка немесе суспензия түрінде қабылдауға жол беріледі.

6 жасқа дейінгі балаларға Медоклав суспензиясын тағайындаған дұрыс.

2 жастан кіші балаларға Медоклавты 125 мг/31,25 мг/5 мл свыше 40 мг/10 мг/кг/тәулік астам қолданудың клиникалық деректері жоқ.

Егде жастағылар

Доза түзету талап етілмейді.

Бүйрек жеткіліксіздігі

Доза түзету амоксициллиннің ұсынылатын ең жоғары деңгейіне негізделген.

Креатинин клиренсі (CrCl) минутына 30 мл астам пациенттерге доза түзету талап етілмейді.

Ересектер және дене салмағы 40 кг астам балалар

Дене салмағы 40 кг аз балалар

Бауыр жеткіліксіздігі

Дозасын сақтықпен тағайындау керек және бауыр функциясына мезгіл-мезгіл бақылау жүргізу керек.

Қолдану тәсілі

Медоклав дәрілік заты пероральді қабылдауға арналған. Препаратты асқазан-ішек жолдарының потенциалды жағымсыздығын ең аз ету және амоксициллин/клавулан қышқылының сіңуін жақсарту үшін тамақ ішудің алдында қабылдау керек.

Қажет болған жағдайда сатылы ем (препаратты кейін пероральді қабылдауға көшетін басында вена ішіне енгізу ) жүргізілуі мүмкін. 

Суспензия алғашқы қолдану алдында дереу сұйылтылады.

Суспензияны  дайындау үшін құрғақ ұнтаққа заттаңбада көрсетілген таңбаға дейін су қосып, жақсылап сілку керек. Дайын болған Медоклав суспензиясын 2° - 8° С температурада, 7 күн ішінде пайдалану керек. Әрбір пайдалану алдында жақсылап сілку керек. 

Жағымсыз әсерлері

Жағымсыз әсерлері төменде келтірілген және  анатомиялық-физиологиялық жіктелуі және кездесу жиілігіне байланысты атап көрсетілген.

Өте жиі  10-нан ≥ 1, жиі 100-ден ≥ 1  және  10-нан < 1, кейде  1000-нан ≥ 1 және 100-ден < 1, сирек  10000-нан ≥ 1 және 1,000-ден < 1, өте сирек 10000-нан < 1

Жиі

- тері және шырышты жабындар кандидозы

- жүрек айнуы, құсу, диарея

Жүрек айнуы көбіне препараттың жоғары дозаларын қолданғанда кездеседі. Көрініс беру дәрежесін төмендету үшін суспензияны тамақтанудың басында қабылдау ұсынылады.

Жиі емес  

- бас айналуы, бас ауыруы

- диспепсия

- АЛТ/АСТ бауыр ферменттері деңгейінің орташа жоғарылауы

- тері бөртпесі, қышыну, есекжем

Cирек

- қайтымды лейкопения (нейтропенияны қоса), тромбоцитопения

- мультиформалы эритема

Өте сирек

- антибиотикпен астасқан колит (жалған жарғақшалы және геморрагиялықты қоса)

- түкті қарайған тіл (тілдің жіп тәрізді түктерінің созылмалы гиперплазиясы)

- - тіс эмалінің қайтымды беткейлік боялуы (щеткамен тазалағанда жеңіл кетеді). Ауыз қуысы гигиенасын сақтау тіс эмалі боялуының алдын алуға көмектеседі.

Белгісіз

-  сезімтал емес организмдердің тез өсуі

- қайтымды агранулоцитоз бен гемолиздік анемия,  қан кету уақытының және протромбиндік уақыт индексінің ұлғаюы

- ангионевроздық ісіну, анафилаксия; сарысу құю ауруына ұқсас синдром, аллергиялық васкулит

- қайтымды жоғары белсенділік және құрысулар

- асептикалықменингит

- гепатит, холестаздық сарғаю  

- Стивенс-Джонсон синдромы

- уытты эпидермальді некролиз

- буллёзді эксфолиативті дерматит,жайылған жедел экзантематоздық пустулёз. Мұндай симптомдар дамыған кезде препаратты қабылдау тоқтатылуы тиіс.

- интерстициальді нефрит, кристаллурия.

Қолдануға болмайтын жағдайлар

- пенициллиндерге немесе препараттың кез келген компонентіне  аса жоғары сезімталдық;

- басқа бета-лактамды антибиотиктерге (цефалоспориндерге, карбапенемдерге, монобактамдарға) белгілі аса жоғары сезімталдық;

- амоксициллин/клавулан қышқылын біріктірілімде  қабылдау аясында дамитын бауыр функциясының бұзылуы немесе сарғаю;

- фенилкетонурия (препарат құрамында аспартам болуына байланысты).

Дәрілермен өзара әрекеттесуі

Пероральді антикоагулянттар

Пероральді антикоагулянттар және пенициллин антибиотиктер практикада кеңінен қолданылды, соның нәтижесінде өзара әрекеттесулері туралы қандай да бір мәлімдеулер болмады. Дегенмен, әдебиеттерде аценокумаролда жүрген пациенттерде немесе амоксициллин және варфарин курсын тағайындағанда халықаралық қалыптасқан индекстің жоғарылау жағдайлары туралы айтылған. Егер бірге қабылдау талап етілсе, бірге қолданған жағдайда немесе амоксициллин тоқтатылғанда протромбиндік уақытты немесе  халықаралық қалыптасқан индексті мұқият бақылау керек. Бұдан басқапероральді антикоагулянттардың дозасын түзету талап етілуі мүмкін.

Метотрексат

Пенициллиндер  оның уыттылығының потенциалды артуына ықпал ете отырып, метотрексат шығарылуын төмендетуі мүмкін.

Пробенецид

Пробенецидті бір мезгілде қабылдау ұсынылмайды. Пробенецид амоксициллиннің өзекшелік секрециясын төмендетеді. Пробенецидті қатарлас қабылдау қандағы амоксициллин деңгейінің артуына әкелуі мүмкін.

Айрықша нұсқаулар

Медоклавпен емдеуді бастар алдында пенициллиндерге, цефалоспориндерге немесе басқа да бета-лактамды антибиотиктерге бұрын болған аса жоғары сезімталдық реакцияларына қатысты жан-жақты анамнез жинақтау қажет.

Пенициллинмен ем алып жүрген пациенттерде күрделі аллергиялық реакциялар және кейде өлім жағдайларына дейін болатыны (анафилаксиялық шок) анықталды. Бұл реакциялар анамнезінде пенициллинге аллергиялық реакциясы бар тұлғаларда немесе атопиялық пациенттерде жиі кездеседі. Егер аллергиялық реакция туындаса, Медоклавпен ем тоқтатылуы және тиісінше баламалы ем тағайындалуы тиіс. Егер инфекция амоксициллинге сезімтал организмдерден туындағаны  туралы айғақ алынса, амоксициллин/клавулан қышқылының біріктірілімінен жеке-дара амоксициллинге ауысу мүмкіндігін қарастыру керек.

Клавулан қышқылын тежеуге сезімтал бета-лактамазалар арқылы әсер етпейтін бета-лактамды антибиотиктерге резистенттілігі ықтималдығының жоғары қаупі болғанда Медоклав қолдануға жарамсыз.

Медоклав пенициллин-резистентті пневмоккокты (Streptococcus pneumoniae) емдеу үшін қолданылмауы тиіс.

Бүйрек функциясы бұзылуы бар пациенттерде және жоғары дозалар алатын пациенттерде құрысулар туындауы мүмкін.

Инфекциялық мононуклеозға күдіктенгенде Медоклавты тағайындамаған жөн, өйткені бұл аурумен пациенттерде амоксициллин тері бөртпесін тудыруы мүмкін, бұл ауруды диагностикалауды қиындатады.

Амоксициллинмен ем кезінде қатарлас аллопуринол қабылдау терінің аллергиялық реакциялары дамуы ықтималдығын арттыруы мүмкін.

Ұзақ уақыт қабылдау төзімді  микроорганизмдердің шамадан тыс көбеюімен қатар жүруі мүмкін.

Емнің басында пустулаға байланысты, қызбалы жайылған эритема туындауы жедел жинақталған экзантемалы пустулездің симптомы (AGEP) болуы мүмкін. Бұл реакция Медоклавпен емді тоқтатуды талап етеді және одан әрі қарай амоксициллин қабылдау қарсы көрсетілімде болуы үшін дәлел болады.

Амоксициллин/клавулан қышқылының біріктірілімін бауыр функциясы бұзылуының белгілері бар пациенттерге сақтықпен қолдану керек.

Бауыр тарапынан жағымсыз жағдайлар көбіне еркек және егде жастағы пациенттерде анықталды және бұл ұзақ уақыт емдеумен байланысты болуы да мүмкін. Балаларда бұл жағдай өте сирек бақыланды. Барлық популяцияларда белгілері мен симптомдары әдетте емнің кезінде немесе емнен кейін дереу туындайды, бірақ кейбір жағдайларда ем тоқтағаннан кейін бірнеше апта ішінде білінбеуі мүмкін. Олар әдетте қайтымды. Бауыр тарапынан жағымсыз жағдайлар ауыр дәрежеде болуы мүмкін, және өте сирек жағдайларда ғана өліммен аяқталу туралы хабарланды. Олар әрқашан негізгі күрделі ауруы бар пациенттерде немесе бауырға әсер ету мүмкіндігі зор белгілі препараттарды бір мезгілде қабылдағандарда тіркелген.

Медоклав қабылдау аясында антибиотикпен-астасқан колиттің даму жағдайлары хабарланған, ол елеусізден бастан өмірге қауіп төндіретін дәрежеге дейін болған. Осыған байланысты антибиотиктерді қабылдау кезінде немесе қабылдағаннан кейін дамыған диареясы бар пациенттерде колиттің даму мүмкіндігін қарастыру қажет. Колит диагнозы расталған кезде, Медоклавпрепаратын қабылдау дереу тоқтатылуы қажет; пациент қажетті емдеу жүргізу үшін дәрігермен кеңесуі тиіс. Бұл жағдайларда перисталтикаға қарсы дәрілік препараттарды қабылдау қарсы көрсетілімде.

Ұзақ уақыт емдегенде бүйрек, бауыр функцияларын және қан түзілуі функцияларын қоса, ағзалар жүйесі функцияларына мезгіл-мезгіл талдау жүргізу ұсынылады.

Амоксициллин/клавулан қышқылын қабылдайтын пациенттерде сирек жағдайларда протромбин уақытының ұзаруы туралы деректер хабарланған.  Антикоагулянттарды бір мезгілде тағайындаған кезде тиісті мониторинг жүргізу қажет. Антикоагуляцияның қажетті деңгейін ұстап тұру үшін пероральдіантикоагулянттардың дозасын түзету талап етілуі мүмкін.

Бүйрек жеткіліксіздігі бар пациенттерде бүйрек функциясының бұзылу дәрежесіне қарай препараттың дозасы түзетілуі тиіс.

Диурезі төмен пациенттерде сирек жағдайда кристаллурия туындауы мүмкін. Амоксициллиннің жоғары  дозаларын енгізу кезінде жеткілікті мөлшерде сұйықтық қабылдау және амоксициллин кристалдарының түзілу ықтималдығын азайту үшін талапқа сай диурезді ұстап тұру ұсынылады. Катетер қойылған пациенттердің жағдайын үнемі бағалап отыру қажет.

Амоксициллинмен емдеу кезінде несепте глюкоза құрамын анықтау үшін глюкозаны ферменттік тотықтыру әдістерін пайдалану қажет, әйтпесе ферментті емес әдістер жалған оң нәтижелер алынуына әкелуі мүмкін. 

Медоклав препаратында клавулан қышқылының болуы IgG мен альбуминдердің эритроцит жарғақшасымен спецификалық емес байланысуына себеп болуы мүмкін, бұл жалған-оң Кумбс реакциясына алып келеді.

Амоксициллин/клавулан қышқылын алатын, соңынан  Aspergillus  инфекциясы анықталмаған пациенттердегі Bio-Rad Laboratories Platelia Aspergillus EIA тесттің жалғаноң нәтижелері туралы мәлімдеулер болды. Aspergillus-емес полисахаридтермен және полифуранозалармен Bio-Rad Laboratories Platelia Aspergillus EIA тестісінде айқаспалы реакциялары туралы мәлімделді. Сондықтан амоксициллин/клавулан қышқылын алатын пациенттердегі талдаулардың оң нәтижелерін сақтықпен түсіндіру және басқа диагностикалық әдістермен растау керек.

Жүктілік және лактация кезеңі

Жүктілік уақытында пайда/қаупінің арақатынасын мұқият бағалаудан кейін емдеуші дәрігер көрсетуінсіз дәрілік заттарды қабылдаудан аулақ болыңыз.

Белсенді заттардың екеуі де емшек сүтімен бөлінеді (клавулан қышқылының емшектегі балаға әсері туралы ештеңе белгісіз). Демек, емшектегі сәбиде диарея және шырышты қабықтардың  зеңдік инфекциясы дамуы мүмкін, осылайша баланы емшекпен емізуді тоқтату қажеттігі туындауы мүмкін.  Бала емізу кезеңінде емдеуші дәрігердің пайда/қаупін бағалауынан кейін ғана амоксициллин/клавулан қышқылын қабылдауға рұқсат етіледі.

Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Деректер жоқ; алайда, жағымсыз реакциялардың (аллергия, бас айналу, құрысулар) дамуы мүмкіндігіне байланысты сақ болу қажет.

Артық дозалануы

Симптомдары: асқазан-ішек жолы бұзылыстары және су-электролиттік теңгерім бұзылуы болуы мүмкін. Кейбір жағдайларда бүйрек жеткіліксіздігіне әкелетін амоксициллин кристаллуриясы анықталды.

Препаратты бүйрек функциясы төмендеуі бар пациенттерге тағайындағанда немесе жоғары дозаларын пайдаланғанда құрысулар дамуы мүмкін.

Қуыққа арналған катетерлерде, әсіресе вена арқылы енгізілетін жоғары дозаларын тағайындағаннан кейін амоксициллиннің шөгуі мүмкін. Катетерлер өткізгіштігіне ұдайы тексеру жүргізу керек.

Емі: симптоматикалық ем, су-электролиттік теңгерімге түзету жүргізіледі. Медоклав қаннан  гемодиализ көмегімен шығарылады.

Шығарылу түрі

Бұралатын металл қақпақпен тығындалған, сыйымдылығы  100 мл күңгірт шыныдан жасалған құтыларға 11.8 г препараттан салынады.

Құтыларға өзі желімденетін заттаңба жапсырылады.

1 құтыдан өлшегіш қасықпен және медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

Құрғақ, жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дайындалған суспензияны тоңазытқышта 7 күн сақтауға болады.

Дәріханалардан босатылу шарттары

Рецепт арқылы