Медоклав, 1 гр, таблетки №14, пачка картонная

Саудалық атауы

Медоклав

Халықаралық патенттелмеген атауы

Жоқ

Дәрілік түрі

Үлбірлі қабықпен қапталған  таблеткалар, 1 г

Құрамы

Бір таблетканың құрамында

белсенді заттар:

1004.00 мг амоксициллин  тригидраты (875.00 мгамоксициллинге  баламалы), 

297.80 мг калий клавуланаты микрокристалды целлюлоза қоспасымен 1:1 (125.00 мг клавулан қышқылына баламалы),

қосымша заттар:микрокристалды целлюлоза, натрий крахмалы гликоляты А типі, сусыз коллоидты кремнийдің қостотығы, магний стеараты,

Опадри II ақ 85G18490 қабық құрамы: поливинил спирті, титанның қостотығы  (Е171), тальк, макрогол 4000, лецитин.

Сипаттамасы

Ақ түсті үлбірлі қабықпен қапталған, екі жағы дөңес, ядросының өлшемі 21.5 мм×10.0 мм капсула пішінді таблеткалар.   

Фармакотерапиялық тобы

Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсы препараттар. Бактерияға қарсы бета-лактамды препараттар, пенициллиндер. Пенициллиндер бета-лактамаза тежегіштерімен біріктірілімде. Амоксициллин және бета-лактамаза тежегіштері.

АТХ коды J01CR02

Фармакологиялық қасиеттері

Фармакокинетикасы

Екі компонент те жоғары биожетімділігімен ерекшеленеді. Препаратты ішке қабылдағаннан кейін белсенді затының екеуі де асқазан-ішек жолынан жылдам сіңеді.

Тамақпен бірге қабылдау сіңуге әсер етпейді. Қан плазмасындағы ең жоғарғы концентрациясына қабылдағаннан кейін шамамен 1 сағаттан соң жетеді.

Екі компонент те сұйықтыққа да жәнеорганизмтіндеріне (өкпеге, ортаңғы құлаққа, плевральді және перитонеальді сұйықтыққа, жатырға, аналық бездерге және т.б.) жақсы өтуімен сипатталады.Амоксициллин, сондай-ақ синовиальді сұйықтыққа, бауырға, ұйқы безіне, таңдайдың бадамша бездеріне, бұлшықет тіндеріне, өт қабына, мұрынның қосалқы қойнауларының сөлінісіне, сілекейге және бронхтық сөлініске өтеді.

Амоксициллин және клавулан қышқылы зақымданбаған ми қабықтарында гематоэнцефалдық кедергі арқылы өтпейді.

Екі компонент те плацентарлық кедергі арқылы өтеді және іздік концентрацияларда емшек сүтіне өтеді.

Амоксициллин және клавулан қышқылы қан плазмасы ақуыздарымен төмен деңгейде байланысуымен сипатталады. Амоксициллин ішінара  биотрансформацияланады, клавулан қышқылы қарқынды метаболизмге ұшырайды.

Амоксициллин  өзекшелік сөлініс және шумақтық сүзіліс жолымен іс жүзінде өзгермеген түрінде бүйректермен шығарылады. Клавулан қышқылы шумақтық сүзіліс жолымен, ішінара метаболит түрінде шығарылады. Аздаған мөлшері ішек және өкпе арқылы шығарылуы мүмкін.

Амоксициллин және клавулан қышқылының жартылай шығарылу кезеңі 1-1,5 сағатты құрайды.

Екі компонент те гемодиализ кезінде және елеусіз мөлшерде - перитонеальді диализ кезінде шығарылады.

Бүйрек жеткіліксіздігі ауыр пациенттерде амоксициллиннің жартылай шығарылу кезеңі 7,5 сағатқа дейін, ал клавулан қышқылы 4,5 сағатқа дейін артады.

Фармакодинамикасы

Mедоклав құрамында амоксициллин және клавулан қышқылы бар біріктірілген препарат болып табылады. Амоксициллин бір немесе одан да көп ферменттерді тежейтін (көбінесе пенициллинді байланыстырушы ақуыздар ретінде аталатын), бактериялық жасуша қабырғасының маңызды құрылымдық компоненті болып табылатын пептидогликан биосинтезіне қатысушы пенициллиндер тобына жататын жартылай синтетикалық антибиотик (бета-лактамды антибиотик). Пептидогликан синтезін тежеу соңынан жасуша лизисі мен оның жойылуына алып келетін жасуша қабырғасының әлсіреуіне алып келеді.

Амоксициллин резистентті бактериялар өндіретін бета-лактамазалармен ыдырайды, және сондықтан да бір ғана амоксициллиннің белсенділік ауқымы осы  энзимдерді өндіретін микроорганизмдерді қамтымайды.

Клавулан қышқылы пенициллиндермен құрылымдық байланысы бар бета-лактам болып табылады. Ол кейбір бета-лактамазаларды тежейді, сонысымен амоксициллин белсенділігінің жойылуын болдырмайды, және оның белсенділік ауқымын кеңейтеді. Клавулан қышқылы өздігінен бактерияға қарсы клиникалық маңызы бар әсер көрсетпейді.

Ең төмен бәсеңдететін концентрациядан жоғары асатын уақыт (T > ЕТБК) амоксициллин тиімділігінің негізгі детерминанты болып саналады.

Амоксициллинге және клавулан қышқылына резистенттіліктің екі негізгі механизмі төмендегілер болып табылады:

– B, C, D кластарын қоса, клавулан қышқылының әсер етуіне сезімталдығы жоқ бактериялық бета-лактамазалармен белсенділікті жою.

– антибиотиктің микроорганизмге қатысты аффинділігін азайтуға әкелетін пенициллин-байланыстырушы ақуыздар деформациясы

Бактериялық қабырғаның өткізбеушілігі, сондай-ақ сорғы механизмдері, әсіресе грамтеріс микроорганизмдердің төзімділігі дамуын туындатуы немесе жағдай жасауы мүмкін.

Резистенттіліктің басым болуы, әсіресе ауыр инфекцияларды емдегенде, географиясына қарай және уақытына қарай таңдап алынған түр үшін ауытқуы мүмкін, және резистенттілік туралы жергілікті ақпарат болғаны дұрыс.  Препаратты тағайындар алдында мүмкіндігінше штаммдардың сезімталдығына жергілікті деректерге сәйкес баға беру және нақты пациенттен үлгілерді алу және талдау жолымен сезімталдықты анықтау қажет, әсіресе ауыр инфекция жағдайларында.

Сезімтал штаммдар

Аэробты грамоң микроорганизмдер: Enterococcus faecalis, Gardnerella vaginalis, Staphylococcus aureus (methicillin-susceptible), Streptococcus agalactiae, Streptococcus pneumoniae, Streptococcus pyogenes және басқа  бета-гемолитикалық стрептококктар, Streptococcus viridans тобы.

Аэробты грамтеріс микроорганизмдер: Capnocytophaga spp., Eikenella corrodens, Haemophilus influenzae, Moraxella catarrhalis, Pasteurella multocida

Анаэробты микроорганизмдер: Bacteroides fragilis, Fusobacterium nucleatum, Prevotella spp.

Кейіннен пайда болған резистенттілігі қиындық туындатуы мүмкін штаммдар

Аэробты грамоң микроорганизмдер: Enterococcus faecium

Аэробты грамтеріс микроорганизмдер: Escherichia coli, Klebsiella oxytoca, Klebsiella pneumoniae, Proteus mirabilis, Proteus vulgaris

Резистентті штаммдар 

Аэробты грамтеріс микроорганизмдер: Acinetobacter sp., Citrobacter freundii, Enterobacter sp., Legionella pneumophila, Morganella morganii, Providencia spp., Pseudomonas sp., Serratia sp., Stenotrophomonas maltophilia

Басқа да штаммдар

Chlamydophila pneumoniae, Chlamydophila psittaci, Coxiella burnetti, Mycoplasma pneumoniae.

Қолданылуы

Медоклав препаратқа сезімтал микроорганизмдерден туындаған ауруларды емдеу үшін тағайындалады:

- жедел бактериялық синусит (диагнозы расталғанда)

-  ортаңғы жедел отит

- созылмалы бронхиттің өршуінде (диагнозы расталғанда)

- ауруханадан тыс пневмония

- цистит

- пиелонефрит

- тері мен жұмсақ тіндердің инфекцияларында (атап айтқанда, целлюлитте, жәндіктер шаққанда,  жедел абсцесстер мен жақсүйек-бет маңының флегмоналарында)

- сүйектер мен буындар инфекцияларында (мысалы, остеомиелитте)

Қолдану тәсілі және дозалары

Доза амоксициллин/клавулан қышқылы мөлшеріне шаққан түрде берілген, дозасы жеке  компонентке шаққан түрде берілген жағдайлар бұған жатпайды.

Белгілі бір инфекцияны емдеу үшін препараттың дозасын таңдағанда мыналарды ескеру қажет:

- күтілетін патогендік микроорганизмдерді және олардың әсер етуші заттарға болуы мүмкін сезімталдығын;

- инфекцияның ауырлығын және орналасуын;

- пациенттің жасын, дене салмағын және бүйрек функциясының жай-күйін.

Қажет болған жағдайда Медоклавтың баламалы түрлерін қолдануға болады(мысалы, амоксициллиннің жоғарырақ дозаларымен және/немесеамоксициллин мен  клавулан қышқылының басқа да үйлесімдерімен).

Ересектер мен балалар үшін ең жоғарғы тәуліктік доза  1750 мг амоксициллинді/250 мг клавулан қышқылын (күніне 2 рет қабылдағанда) немесе 2625 мг амоксициллинді/375 мг клавулан қышқылын (күніне 3 рет қабылдағанда) құрайды. Дене салмағы 40 кг-ден аз балалар үшін  ең жоғарғы тәуліктік доза  1000-2800 мг амоксициллинді/143-400 мг клавулан қышқылын құрайды.

Емдеу ұзақтығын дәрігер әркімге жеке анықтайды. Кейбір инфекциялар  (мысалы, остеомиелит) ұзақ емдеуді қажет етеді. Емнің ұзақтығы қолдану нәтижелеріне және клиникалық көрінісіне баға берусіз 14 күннен аспауы тиіс.

Тиісті дәрілік түрін қолдана отырып, емді парентеральді түрде бастауға және ішке қабылдауға арналған Медоклав препаратының көмегімен жалғастыруға болады.

Тамақ ішу препараттың сіңірілуіне әсер етпейді, алайда, асқазан-ішек бұзылуларының пайда болу қаупін төмендету үшін, препаратты тамақтанғанға дейін немесе тамақтану кезінде қабылдау керек.

Ересектер және дене салмағы≥40 кг балалар

Стандартты доза: 875 мг/125 мг 1 таблеткадан күніне екі рет (барлық көрсетілімдер бойынша).

Ауыр инфекциялар (отит, синусит, төменгі тыныс жолдарының инфекциялары, несеп-жыныс жолының инфекциялары): 875 мг/125 мг 1 таблеткадан күніне үш рет.

Дене салмағы 40 кг-ден аз балалар

Ұсынылатын дозалары:

- тәулігіне 25 мг/3,6 мг/кг-ден тәулігіне 45 мг/6,4 мг/кг дейін, 2 қабылдауға бөлінген;

- кейбір инфекцияларды (ортаңғы отит, синусит және тыныс жолдарының төменгі бөліктерінің инфекциялары сияқты) емдеу үшін тәулігіне 70 мг/10 мг/кг дейінгі, 2 қабылдауға бөлінген дозаны қолдануға болады.

2 жасқа дейінгі пациенттер үшін Медоклавтың тәулігіне 45 мг/6,4 мг/кг-ден асатын дозаларына қатысты 7:1 дәрілік түрлері туралы клиникалық деректер жоқ.

2 айлыққа дейінгі пациенттерге қатысты Медоклавтың 7:1 дәрілік түрлері туралы клиникалық деректер жоқ. Осылайша, пациенттердің бұл тобында дозалауға қатысты ұсынымдар жоқ.

Егде жастағы пациенттер

Дозаны түзету қажет емес.

Бүйрек функциясының бұзылуы

Креатинин клиренсі >30 мл/мин болғанда дозаны түзету қажет емес.

Креатинин деңгейінің көрсеткіші 30 мл/мин аз болған пациенттерде, амоксициллиннің клавулан қышқылына қатынасы 7: 1дозаларды қолдану ұсынылмайды.

Бауыр функциясының бұзылуы

Сақтықпен қолдану және бауыр функциясын жүйелі бақылап отырған жөн.

Жағымсыз әсерлері

Жағымсыз әсерлері даму жиілігіне сәйкес төмендегідей жіктелді: "өте жиі" – ³ 1/10, "жиі" – ³ 1/100- ден - < 1/10 дейін, "жиі емес" – ³ 1/1000-тен - < 1/100 дейін, "сирек" – ³ 1/10000 – тен - < 1/1000 дейін, "өте сирек" – < 1/10000, «белгісіз» (қолда бар деректер негізінде баға беру мүмкін емес).

Өте жиі (≥ 1/10)

- диарея

Жиі (≥1/100, <1/10)

- шырыштар кандидозы

- жүрек айнуы, құсу

Жүрек айнуы көбіне препараттың жоғары дозаларын қолданғанда кездеседі. Көрініс беру дәрежесін төмендету үшін препаратты тамақтанудың басында қабылдау ұсынылады.

Жиі емес (≥ 1/1 000, < 1/100)

- бас айналуы, бас ауыруы

- диспепсия

- АЛТ/АСТ бауыр ферменттері деңгейінің орташа жоғарылауы

- тері бөртпесі, қышыну, есекжем

Сирек (≥ 1/10 000, < 1/1000)

- қайтымды лейкопения (нейтропенияны қоса), тромбоцитопения

- мультиформалы эритема

Белгісіз

-  сезімтал емес организмдердің тез өсуі

- қайтымды агранулоцитоз, гемолиздік анемия, қан кету уақытының және протромбиндік уақыт индексінің ұлғаюы

- ангионевроздық ісіну, анафилаксия

- сарысу құю ауруына ұқсас синдром

- аллергиялық васкулит

- қайтымды жоғары белсенділік

- құрысулар

- антибиотикпен астасқан колит (жалған жарғақшалы және геморрагиялықты қоса)

- қара түкті тіл

- гепатит, холестаздық сарғаю

- Стивенс-Джонсон синдромы, уытты эпидермалық некролиз, эксфолиативтік буллёздік дерматит, жайылған жедел экзантематоздық пустулёз. Мұндай симптомдар дамыған кезде препарат тоқтатылуы тиіс.

- интерстициальді нефрит, кристаллурия

Қолдануға болмайтын жағдайлар

-   белсенді затқа немесе кез келген қосымша затқа аса жоғары сезімталдық

-   анамнезіндегі басқа бета-лактамды препараттарға (мысалы, цефалоспориндерге, карбапенемдерге немесе  монобактамдарға) аса жоғары сезімталдықтың ауыр реакциялары 

-  амоксициллин/клавулан қышқылы біріктірілімін қабылдау аясында дамыған сарғаю немесе бауыр функциясының бұзылуы

-   12 жасқа дейінгі немесе дене салмағы 40 кг-ден төмен балалар

Дәрілермен өзара әрекеттесуі

Пероральді антикоагулянттар және пенициллинтобының антибиотиктері өзара әрекеттесуі туралы хабарламасыз іс жүзінде кеңінен пайдаланылады.

Алайда әдебиеттерде аценокумарол немесе варфаринді амоксициллинмен бірге қолданған кезде пациенттерде халықаралық қалыптасқан қатынастың (ХҚҚ) ұлғаюының сирек жағдайлары сипатталған. Медоклав препаратын антикоагулянттармен бір мезгілде тағайындау қажет болғанда  протромбиндік уақыт немесе ХҚҚмұқият бақылануы тиіс, Медоклав препаратын тағайындау немесе тоқтату кезінде ішке қабылдауға арналған антикоагулянттардың дозасын түзету қажет болуы мүмкін.   

Пенициллиндер метотрексаттың шығарылуын азайтуы мүмкін, бұл оның уыттылығы артуының әлеуетті қаупіне жатады.

Пробенецидті бір мезгілде қолдану ұсынылмайды, өйткені пробенецид амоксициллиннің өзекшелік сөлінісін азайтады. Оны Медоклав  препаратымен бірге қолдану қандағы, амоксициллин деңгейінің артуына алып келуі мүмкін.  Клавулан қышқылының деңгейіне ықпал етпейді.

Амоксициллинмен емдеген кезде аллопуринолды бір мезгілде қолданутерінің аллергиялық реакцияларының даму ықтималдығын арттыруы мүмкін. Қазіргі уақытта әдебиетте амоксициллиннің клавулан қышқылымен біріктірілімін және аллопуринолды бір мезгілде қолдану туралы деректер жоқ.  

Микофенолат мофетилімен емделіп жүрген пациенттерде, амоксициллинді клавулан қышқылымен ішу арқылы қолдану басталғаннан кейін белсенді метаболит микофенол қышқылының дозаалдылық  концентрациясы шамамен 50%-ға төмендеуі мүмкін. Дозаалдылық деңгейдің бұл өзгерістері микофенол қышқылының жалпы экспозициясының өзгерісіне нақты сәйкес келмеуі мүмкін.Алайда  микофенолат мофетилді Медоклав препаратымен бір мезгілде немесе антибиотик қабылдағаннан кейін бірден қабылдайтын пациенттерді клиникалық бақылау ұсынылады.

Айрықша нұсқаулар

Медоклав препаратымен емдеуді бастар алдында пенициллиндерге, цефалоспориндерге немесе басқа да бета-лактамды антибиотиктерге бұрын болған аса жоғары сезімталдық реакцияларына қатысты жан-жақты анамнез жинақтау қажет.

Күрделі, ал кейде өлімге әкелетін пенициллиндерге аса жоғары сезімталдық реакциялары (оның ішінде анафилаксиялық шок) сипатталған. Мұндай реакциялар анамнезінде пенициллиндерге аса жоғары сезімталдығы бар науқастарда және атопиясы бар адамдарда көбірек болуы мүмкін. Аллергиялық реакция туындаған жағдайда Медоклав препаратымен емдеуді тоқтату және баламалы емді бастау қажет. Инфекция амоксициллинге сезімтал организмдерден туындағаны  дәлелденген жағдайда, ресми нұсқауларға сәйкес амоксициллин/клавулан қышқылы біріктірілімінен амоксициллинге ауысу мүмкіндігін қайта қарастыру керек.

Патогендердің бета-лактамды заттарға төзімділік қаупі жоғары болғанда Медоклав қолданбау керек. Препаратты пенициллинге төзімді S. pneumoniae емдеу үшін қолдануға болмайды.

Бүйрек функциясы бұзылған пациенттерде немесе препараттың жоғары дозаларын алғандарда  құрысулар пайда болуы мүмкін.

Инфекциялық мононуклеозға күдік туғанда, Медоклав тағайындауға болмайды, өйткені мұндайда қызылша тәрізді бөртпенің пайда болуы амоксициллинді қабылдаумен байланысты болуы мүмкін.

Препаратты ұзақ уақыт қолдану Медоклав препаратына сезімтал емес микрофлораның шамадан тыс өсуін тудыруы мүмкін.

Емдеудің басында жайылған эритеманың дамуы жедел жайылған экзантематозды пустулездің симптомы болуы мүмкін. Мұндай жағдайда  Медоклав препаратын қолдануды тоқтату қажет.

Медоклав препаратын бауыр қызметі бұзылған пациенттерде сақтықпен қолдану керек. Бауыр тарапынан жағымсыз реакциялар көбінесе ерлерде және егде жастағы науқастарда пайда болады, олардың пайда болуы препаратты ұзақ уақыт қолданумен байланысты болуы мүмкін. Балаларда  мұндай құбылыстар туралы өте сирек хабарланды. Аурудың белгілері мен  симптомдары емдеу кезінде немесе емдеуден кейін дереу пайда болады, бірақ кейбір жағдайларда емдеу аяқталған соң бірнеше аптадан кейін туындауы мүмкін. Бұл құбылыстар әдетте қайтымды сипатқа ие. Бауыр тарапынан жағымсыз реакциялар ауыр болуы және өте сирек өліммен аяқталуы мүмкін. Мұндай жағдайлар қатар жүретін ауыр аурулары бар пациенттерде немесе бауырға әлеуетті теріс ықпалы белгілі дәрілік заттарды бір мезгілде қолданған кезде пайда болды.

Барлық дерлік бактерияға қарсыпрепараттарды қолдану кезінде жалған жарғақшалы колиттің пайда болғаны туралы хабарланған, оның ауырлық дәрежесі жеңілден өмірге қауіп төндіретінге дейін ауытқуы мүмкін. Сондықтан пациенттерде антибиотикті қолдану кезінде немесе қолданғаннан кейін диарея пайда болғанда осыны ескеру маңызды. Жалған жарғақшалы колит пайда болған жағдайда, Медоклав  препаратымен емдеуді дереу тоқтату, медициналық көмекке жүгіну және тиісті емді бастау қажет. Бұл жағдайда перистальтикаға қарсы препараттарды қолдануға болмайды.

Ұзақ уақыт емдеген жағдайда бүйрек пен бауыр функцияларын жүйелі тексеру және гематологиялық зерттеу жүргізу көрсетілген.

Медоклав  қабылдайтын пациенттерде протромбиндік уақыттың ұлғаюы сирек байқалады, сондықтан Медоклав пен антикоагулянттарды бір мезгілде қабылдағанда, тиісті мониторинг өткізу қажет. Антикоагуляцияның қалаған деңгейін ұстап тұру үшін пероральді антикоагулянттардың дозасын түзету қажет.

Бүйрек жеткіліксіздігі бар пациенттерде препараттың дозасы аурудың ауырлығына сәйкес түзетілуі тиіс.

Диурезі төмендеген пациенттерде сирек жағдайларда, негізінен препаратты парентеральді енгізу кезінде, кристаллурия туындауы мүмкін. Амоксициллиннің жоғары дозаларын енгізген кезде амоксициллин кристалдарының пайда болу қаупін азайту мақсатында сұйықтықты талапқа сай қабылдау және несептің тиісінше бөлінуін бақылау ұсынылады. Катетері бар пациенттерде катетердің өткізгіштігін жүйелі тексеріп отырған жөн.

Амоксициллинмен емдеген кезде қандағы глюкоза деңгейін анықтау үшін глюкозооксидазамен ферментативті реакцияларды пайдалану ұсынылады, өйткені басқа әдістер жалған оң нәтижелерді беруі мүмкін. 

Препаратта клавулан қышқылының болуы эритроциттер жарғақшаларында IgG және альбуминнің спецификалы емес байланысуын тудыруы мүмкін, сондықтан оның нәтижесі ретінде Кумбс тестін жүргізу кезінде жалған оң нәтиже болуы мүмкін. Амоксициллин/клавулан қышқылын қабылдайтын пациенттерде Bio-Rad Laboratories Platelia Aspergillus EIA тесттің жалған оң нәтижелері туралы хабарламалар бар. Сондықтан, амоксициллин/клавулан қышқылын қабылдайтын пациенттерде талдаудың оң нәтижелерін абайлап интерпретациялау керек және басқа диагностикалық әдістермен растау қажет.

Медоклав құрамында алкогольге ұқсас симптомдар туындатуы мүмкін пропиленгликоль болмайды.

Жүктілік

Амоксициллин/клавулан қышқылын жүктілік кезінде пайдалану жөніндегі шектеулі деректер  адамдарда дамудың туа біткен ақауларының жоғары қаупін көрсетпейді. Шарана қабығы мерзімінен бұрын жарылған әйелдерде  Медоклав  препаратын жүктілік кезеңінде профилактикалық қолдану жаңа туған нәрестелерде некроздаушы энтероколит қаупінің жоғарылауымен байланысты болуы мүмкін екені хабарланды. Медоклав жүктілік кезінде қолдануға ұсынылмайды, өте қажет болған жағдайда ғана дәрігердің тағайындауы бойынша қолданылуы мүмкін.

Лактация кезеңі

Медоклав емшек сүтіне еніп, емшек еметін балаларда диареяны және шырышты қабықтың зеңді инфекцияларын тудыруы мүмкін. Жүктілік және емшек емізу кезінде препаратты қолдану туралы шешім пайдасы мен қаупінің арақатынасы мұқият бағаланған соң қабылданады. Лактация кезінде тағайындағанда емшек емізуді тоқтату ұсынылады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың көлік құралдарын немесе басқа да механизмдерді басқару кезіндегі реакция жылдамдығына ықпал ету қабілетін анықтауға зерттеулер жүргізілген жоқ. Алайда көлік құралдарын немесе басқа да механизмдерді басқару қабілетіне әсер етуі мүмкін жағымсыз реакциялар  (аллергиялық реакциялар, бас айналуы, құрысулар сияқты) болуы мүмкін.

Артық  дозалануы

Симптомдары: АІЖ функциясының және су-электролиттік теңгерімнің бұзылуы.

Емі: асқазанды шаю, белсендірілген көмірді қабылдау және симптоматикалық ем жүргізу.

Амоксициллин организмнен гемодиализдің көмегімен шығарылуы мүмкін.

Шығарылу түрі және қаптамасы

Алюминий фольгадан және лакталған баспалы алюминий фольгадан жасалған жабындысымен поливинилхлоридті үлбірден жасалған пішінді ұяшықты қаптамаға 7 таблеткадан салынған.

2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге қораптық картоннан жасалған қорапшаға салынған.

Сақтау шарттары

Құрғақ, жарықтан қорғалған жерде, 25 оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2  жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы