Лидокаин, 2%, р-р д/ин. №10, 2 мл, пачка картонная, БЗМП

Саудалық атауы
Лидокаин гидрохлориді

Халықаралық патенттелмеген атауы
Лидокаин

Дәрілік түрі, дозасы
Инъекцияға арналған ерітінді 10 мг/мл және 20 мг/мл

Фармакотерапиялық тобы
Жүйке жүйесі. Анестетиктер. Жергілікті анестетиктер. Амидтер. Лидокаин.
АТХ коды N01BB02

Қолданылуы
Лидокаин гидрохлориді, инъекцияға арналған 10 мг/мл ерітінді ересектер мен 1 жастан асқан балаларға аймақтық (жергілікті) анестезияға арналған.
Лидокаин гидрохлориді, инъекцияға арналған 20 мг/мл ерітінді ересектерге аймақтық (жергілікті) анестезияға арналған.

Қолдануды басталғанға дейін қажетті мәліметтер тізбесі
Қолдануға болмайтын жағдайлар
- Әсер етуші затқа немесе қосымша заттардың кез келгеніне жоғары сезімталдық. Амид сияқты жергілікті анестетиктерге аса жоғары сезімталдығы бар пациенттерге лидокаинді қолдануға болмайды.
Құрамында парабендер бар лидокаин препараттарын эфирлер немесе олардың метаболиттері (ПАБҚ) сияқты жергілікті әсер ететін анестетиктерге аллергиясы бар пациенттерге қолданудан аулақ болу керек.
Жергілікті анестетиктер кардиогендік және гиповолемиялық шок түрінде көрінуі мүмкін айқын артериялық гипотензиясы бар пациенттерде эпидуральді анестезияға қолдануға болмайды.
Қолданған кезде қажетті сақтандыру шаралары
Кахексия немесе жедел патология, сепсис, бауырдың ауыр патологиясы немесе жүрек жеткіліксіздігі кезінде, сондай-ақ дене салмағы 25 кг-нан кем 12 жастан асқан балаларда дозаны дене салмағына және физиологиялық жағдайына сәйкес түзету қажет.
Басқа дәрілік препараттармен өзара әрекеттесуі
Аритмияға қарсы дәрілер:
- Лидокаин гидрохлоридін, мысалы, токаинид және мексилетин сияқты амид типті жергілікті әсер ететін анестетиктерге құрамы бойынша ұқсас  препараттарды қабылдайтын пациенттерге сақтықпен тағайындау керек, өйткені жиынтық уытты әсер ету теріс әсердің жиналуына әкеледі.
- Лидокаин мен III класты аритмияға қарсы дәрілер (мысалы, амиодарон) арасындағы өзара әрекеттесуге арнайы зерттеулер жүргізілмеген, алайда осы препараттармен біріктіріп қолдану сақтықпен жүргізілуі керек ("Арнайы ескертулер"бөлімін қараңыз).
Бета-адреноблокаторлар немесе циметидин:
- Лидокаин клиренсін төмендететін дәрілік заттар (мысалы, циметидин немесе бета-блокаторлар) ұзақ уақыт кезеңі ішінде жоғары дозаларда лидокаинді бірнеше рет тағайындаған кезде қан плазмасындағы әлеуетті уытты концентрацияларды тудыруы мүмкін. Алайда, мұндай препараттармен өзара әрекеттесу клиникалық тұрғыдан лидокаинмен ұсынылған дозаларда қысқа мерзімді емдеу кезінде маңызды емес.
-Пропранолол сияқты кардиоселективті емес бета-адреноблокаторлар адреналиннің пациенттердің қан қысымына әсер етуін күшейтеді, бұл ауыр гипертония мен брадикардияға әкелуі мүмкін.
Жүрек гликозидтері: брадикардия және атриовентрикулярлық өткізгіштіктің бұзылу қаупі.
Арнайы ескертулер
Аймақтық және жергілікті анестезияны тәжірибелі мамандар тиісті түрде жабдықталған үй-жайда жүрек қызметінің мониторингін және реанимациялық іс-шараларды жүргізу үшін қажетті жабдықтар мен препараттарды дереу пайдалануға дайын болған кезде жүргізуге тиіс. Анестезияны орындайтын персонал білікті және анестезияны орындау техникасына үйретілуі тиіс, жүйелі уытты реакциялардың, жағымсыз құбылыстар мен реакциялардың және басқа да асқынулардың диагностикасымен және емдеуімен таныс болуы тиіс.
Аймақтық анестезия көбінесе оңтайлы әдіс болғанымен, келесі пациенттерде ауыр жағымсыз әсерлердің пайда болу қаупін бақылау қажет:
- егде жастағы пациенттер және жалпы жағдайы нашар пациенттер;
- жергілікті анестетик миокард өткізгіштігін бәсеңдетуі мүмкін болғандықтан, ішінара немесе толық атриовентрикулярлық блокадасы бар пациенттер;
- бауырдың ауыр ауруы немесе бүйрек функциясының ауыр бұзылуы бар пациенттер;
- эпилептиктер;
- III класты аритмияға қарсы препараттарды қабылдайтын пациенттерге (мысалы, амиодарон) ЭКГ мониторингін жасау қажет, жүрекке әсер ету нәтижелері бір-бірін күшейте алады;
- жедел порфириямен ауыратын пациенттер.
Лидокаин гидрохлориді әлеуетті порфириногенді болып табылады. Жедел порфириясы бар пациенттерге оны қолдануға дәлел болған кезде  тек шұғыл жағдайларда ғана тағайындау керек. Осы дәрілік затты порфириясы бар барлық пациенттерде қолданған кезде тиісті сақтық шараларын сақтау қажет.
Ескертпе: мұндай пациенттерге жиі аймақтық анестезия көрсетіледі. Мұндай пациенттерге жалпы анестезияны қолданудың орнына, күшті блокадаларды жасамас бұрын олардың жалпы жағдайын жақсартуға тырысқан жөн. 

Қолданылатын анестетикке қарамастан жергілікті анестезияның кейбір түрлері ауыр жағымсыз әсерлерге әкелуі мүмкін, мысалы:
- орталық жүйке жүйесінің блокадалары, әсіресе гиповолемиясы бар пациенттерде жүрек-қан тамырлары бұзылыстарын тудыруы мүмкін. Эпидуральді анестезияны жүрек-тамыр жеткіліксіздігі болғанда сақтықпен жүргізу керек.
Өте сирек жағдайларда ретробульбарлы инъекциялар краниальді субарахноидты кеңістікке жетіп, уақытша соқырлықты, жүрек-қан тамырлары коллапсын, апноэ, құрысуды тудыруы мүмкін.
Жергілікті анестетиктердің ретро - және перибульбарлы инъекциясы жарақат алу және/немесе осындай бұлшықеттерге және/немесе жүйкеге жергілікті уытты әсер ету салдарынан көз бұлшықеттерінің тұрақты дисфункциясының төмен қаупімен сипатталады. Мұндай реакциялардың дәрежесі жарақаттың ауырлығына, анестетиктің концентрациясына және анестетиктің тінге әсер ету ұзақтығына байланысты. Осы себепті, барлық жергілікті анестетиктер сияқты, мүмкін болатын ең аз концентрацияны қолданыңыз және тиімді болуы мүмкін ең аз дозаны тағайындаңыз. Тамыр тарылтатын дәрілерді бір уақытта қолданған жағдайда тіндік реакциялардың нашарлауы мүмкін, сондықтан оларды тек ресми тағайындау кезінде қолдану керек.
Сондай-ақ бас пен мойын аумағына инъекциялар артерияға кездейсоқ енгізілуі мүмкін және осылайша анестетиктің аз дозаларын қолданған жағдайда да цереброваскулярлық бұзылулар тудыруы мүмкін екенін есте ұстаған жөн.
Кейде парацервикальді блокада шарананың брадикардиясына немесе тахикардиясына әкелуі мүмкін. Сондықтан шарананың ЖСЖ мұқият бақылау керек.
Постмаркетингтік есептерде операциядан кейінгі кезең ішінде үздіксіз буынішілік инфузия жолымен жергілікті анестетиктер енгізген пациенттерде хондролиз жағдайлары байқалған. Көп жағдайда иық буынының проблемалары туралы айтылды. Көптеген қолайлы факторларды және әсер ету механизмі туралы ғылыми әдебиеттерде ортақ пікірдің жоқтығын ескере отырып, аурумен себептік байланыс көрсетілмеген.
Эпидуральді анестезия гипотензия мен брадикардияға әкелуі мүмкін. Бұл аурулардың қаупін азайтуға болады, мысалы, вазопрессорларды енгізу арқылы. Гипотония симпатомиметикпен тез емделеді, ол вена ішіне енгізіледі, қажет болған жағдайда қайта енгізіледі. Егер анестезия жүргізетін аумақта инфекция туындаған болса, онда жергілікті анестетиктерді қолданудан аулақ болу керек. 
Жүктілік және лактация.
Препарат жүкті немесе жүкті болғысы келетін әйелдердің көбіне енгізілді: нақты репродуктивті бұзылулар туралы хабарламалар жоқ. Шарана дамуының кемістігі жиілігінің жоғарылауы да байқалмады.
Жергілікті анестетиктерді шаранаға қолданудың әсері (брадикардия) парацервикальді блокада кезінде жиі байқалады. Бұл салдары шаранаға жоғары концентрациядағы анестетиктердің әсер ететіндігіне байланысты.
Лидокаин емшек сүтіне өтеді. Лидокаин гидрохлориді емшектегі нәрестеге әсер етуі екіталай.
Препараттың көлік құралын және қауіптілігі зор механизмдерді  басқару қабілетіне әсер ету ерекшеліктері
Жергілікті анестетиктер психикалық функцияларға аздап әсер етуі мүмкін және адамның қимыл қозғалыс үйлесіміне уақытша әсер етуі мүмкін. Мұндай әсер қолданылатын дозаға байланысты.

Қолдану жөніндегі нұсқаулар
Дозалау

Ересектер және 12 жастан асқан балалар
Кестеде ең көп таралған әдістерге сәйкес ересектер мен 12 жастан асқан балаларды емдеуде қолданылатын дозалау ұсыныстары келтірілген. Кестеде көрсетілген мәндер дозаның болжамды қажетті орташа диапазонын көрсетеді. Ерекше блокадаларды жүргізумен және пациенттердің жеке ерекшеліктерімен байланысты барлық факторларды есепке алу мақсатында стандартты анықтамалық материалдарға жүгіну қажет.
Дәрігердің тәжірибесі және пациенттің клиникалық жағдайын білу қажетті дозаны есептеу кезінде үлкен маңызға ие. Анестезияның қажетті әсерін тудыруы мүмкін ең аз дозаны қолдану ұсынылады. Дәрілік препараттың әсер ету дәрежесіне, сондай-ақ әсер ету ұзақтығына қатысты әрбір нақты жағдайда әртүрлі вариацияларға жол беріледі.

 Ұсынылған доза

 а) Доза тест дозасын қамтиды.
б) Операциядан кейінгі кезеңде жергілікті анестетиктермен буынішілік перфузия ұзақ уақыт бойы жүргізілген пациенттерде хондролиз туралы маркетингтен кейінгі есептер бар. Дәрілік препарат осы жағдайда тағайындалуы қажет препарат ретінде мақұлданбаған.
* 20 мг/мл концентрациясы бар ДП тек ересектерге қолдануға рұқсат етілген.

Хирургиялық анестезия үшін (мысалы, эпидуральді енгізу) әдетте жоғары концентрация және үлкен доза қолданылады. Егер күштілігі аз блокада қажет болса, әлсіз концентрацияны қолдану ұсынылады. Анестезияның ауқымы қолданылатын дәрілік препараттың көлеміне байланысты.
Тамырішілік инъекциялар жүргізу кезінде дәрілік препаратты толық бір уақытта енгізбеу үшін оны негізгі дозаны енгізгенде және енгізгенге дейін баяу, жиі аспирациялармен енгізіңіз. Негізгі доза баяу немесе 100-ден 200 мг/ мин жылдамдықпен өсіп келе жатқан көлемде, пациенттің өмірлік маңызды функцияларын мұқият бақылауды және онымен ауызша байланысты сақтай отырып енгізіледі. Эпидуральді анестезияның алдында жергілікті анестезия ретінде құрамында адреналин бар әсер етудің тиісті кезеңінің 3-5 мл жергілікті анестетиктің тест-дозасын енгізеді. Болжанбаған тамырішілік енгізуді импульстің қысқа мерзімді жоғарылауымен тануға болады. Болжанбаған интратекальді инъекция омыртқа блокадасының белгілері бойынша танылады. Уыттылық симптоматикасы пайда болған кезде енгізуді дереу тоқтату керек.
Педиатриялық популяция
1 жастан 12 жасқа дейінгі балалар
Кестеде көрсетілген дозаларды балаларда қолдануға арналған ұсынымдар ретінде қарау керек.
Жеке ауытқулар мүмкін. Дене салмағы жоғары балаларда дозаны біртіндеп азайту қажет. Бұл жағдайда дозаны есептеу кезінде дененің таза салмағынан бастау керек. Осы дәрілік препаратты қолдану процесінде жекелеген пациенттердің жағдайына байланысты спецификалық блокадаларға әсер ететін факторларға қатысты стандартты нұсқаулықтарда қамтылған ұсынымдарды ескеру қажет.
Балаларға ұсынылатын дозалар

 
Дозаларды есептеу кезінде бір уақытта жасын да, салмағын да ескеру қажет.
Артық дозаланғанда қабылдайтын қажетті шаралар
Симптомдары: уыттанудың бастапқы белгілері - бас айналу, жүрек айну, құсу, эйфория, астения, артериялық қысымның төмендеуі; содан кейін – беттің мимикалық бұлшықеттерінің құрысулары, қаңқа бұлшықеттерінің тонусты-клонустық құрысулары, психомоторлы қозу, брадикардия, коллапс; жаңа туған нәрестеде босану кезінде пайдаланған кезде брадикардия, тыныс алу орталығының бәсеңдеуі, тыныс алудың тоқтауы.
Емі: уыттанудың алғашқы белгілері пайда болған кезде енгізуді тоқтатады, пациентті көлденең қалыпқа ауыстырады; оттегін ингаляциялайды. Құрысулар кезінде диазепамды, брадикардия кезінде – м-холиноблокаторларды (атропин),  вазоконстрикторларды (норэпинефрин, фенилэфрин) вена ішіне енгізу көрсетіледі. Қажет болған жағдайда интубация, өкпені жасанды желдету, реанимациялық шаралар жүргізіледі. Диализ тиімсіз.
Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну ұсынылады

ДП-ны стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Қосымша мәліметтер
Дәрілік препараттың құрамы
Бір ампуланың ішінде
белсенді зат: 2 мл-де  40 мг немесе 5 мл ерітіндіде 50 мг лидокаин гидрохлориді;
Сыртқы түрінің, иісінің, дәмінің сипаттамасы
Мөлдір түссіз немесе ақшыл сары түсті сұйықтық

Шығарылу түрі және қаптамасы
Ампулада (инъекцияға арналған 10 мг/мл ерітінді) 5 мл-ден.
Ампулада (инъекцияға арналған 10 мг/мл ерітінді) 5 мл-ден.
Ампулада (инъекцияға арналған  20 мг/мл ерітінді) 2 мл-ден.
Әрбір ампулаға өздігінен желімденетін заттаңба жапсырылған немесе мәтіні тез бекітілетін терең мөр әдісімен ампулаға жазылған.
Ампуланы ашуға арналған пышақпен немесе скарификатормен бірге хром-эрзац, макулатуралық немесе гофрлауға арналған қағаздан гофрленген қосымша парағы бар полиграфиялық картон қорапқа 10 ампуладан салынған.  
Қорапқа офсеттік қағаздан немесе көп бояулы мөрге арналған қағаздан жасалған бандероль-заттаңба жапсырылған.
Қораптар медициналық қолдану жөніндегі қазақ және орыс тілдеріндегі нұсқаулықпен бірге топтық қорапқа салынған.
Медициналық қолдану жөніндегі қазақ және орыс тілдеріндегі нұсқаулықтар саны қаптамалардың санына сәйкес келуі тиіс.
Ампуланы ашуға арналған пышақпен немесе скарификатормен және медициналық қолдану жөніндегі қазақ және орыс тілдеріндегі нұсқаулықпен бірге, ампулаларды белгілеу үшін ішінде хром-эрзац картоннан немесе целлюлоза картоннан жасалған бір немесе екі қосымша парағы бар, хром-эрзац картон немесе целлюлозалық картон қорапшаға 10 ампуладан салынған.  
Сындыратын сақинасы немесе сындыратын кертігі және нүктесі бар ампулаларды пайдаланған жағдайда ампулаларды ашуға арналған пышақты салу қарастырылмайды. 

Жарамдылық мерзімі
3 жыл
Жарамдылық мерзімі өткеннен кейін қолдануға болмайды.

Сақтау шарттары
Жарықтан қорғалған жерде, 25ºС-ден аспайтын температурада сақтау керек.
Балалардың қолы жетпейтін жерде сақтау керек!

Дәріханалардан босатылу шарттары
Рецепт арқылы