Артрокол, 2,5%, гель д/наруж. прим., 45 гр, пачка картонная, World Medicine

Саудалық атауы

Артрокол

Халықаралық патенттелмеген атауы

Кетопрофен

Дәрілік түрі

Гель 2,5 %, 45 г

Құрамы

100 г гельдің құрамында

белсенді зат - 2,5 г кетопрофен,

қосымша заттар: карбомер 980, троламин, этанол 96%, метилпарагидроксибензоат, тазартылған су.

Сипаттамасы

Спирттің аздап иісі бар, мөлдір түссіз  біртекті гель

Фармакотерапиялық тобы

Сүйек-бұлшықет жүйесі. Буын және бұлшықет ауырулары кезінде жергілікті қолдануға арналған препараттар. Жергілікті қолдануға арналған  қабынуға қарсы стероидты емес препараттар. Кетопрофен.

АТХ коды М02АА10

Фармакологиялық қасиеттері

Фармакокинетикасы

Гель түрінде жергілікті қолданған кезде сіңуі айтарлықтай баяу және организмде іс жүзінде жинақталмайды. Гель түрінде кетопрофеннің биожетімділігі шамамен 5% құрайды, ол оның организмге жергілікті әсер етуінің сипатына және жүйелі әсерінің болмауына ықпал етеді.   

Фармакодинамикасы

Кетопрофен – қабынуға қарсы стериодты емес дәрі, пропион қышқылы тобының туындысы. Әсер ету механизмі простагландиндер синтезін тежеуімен байланысты. Жергілікті ауыруды басатын, қабынуға қарсы, антиэкссудативті әсері бар. 

Қолданылуы

- ревматизмдік немесе жарақаттық сипаттағы ауыру мен қабыну кезінде жергілікті қолдану үшін

Қолдану тәсілі және дозалары

Препарат сыртқа қолдануға арналған.

Гельдің аздаған мөлшерін (бағана ұзындығын 3 – 5 см) ауырған және қабынған аймақтарға тәулігіне 1-2 рет жағып, бірнеше минут бойы теріге ысқылау керек.

Дәрігердің кеңесінсіз емдеу курсының ұзақтығы 7 күннен аспауы керек.

Жағымсыз  әсерлері

Жиі:

- елеусіз аллергиялық реакциялар және терінің қызаруы, тері бөртпесі

- фотосенсибилизация

Өте сирек:

- жүрек айнуы, құсу, іш қатуы, іштің ауыруы

- асқазан-ішектен қан кетулер, пептикалық ойық жаралар, диарея

- бұдан бұрынғы бүйрек жеткіліксіздігінің асқынуы, интерстициальді нефрит

- терінің ауыр қабыну реакциялары (жанаспалы дерматит), буллезді дерматит

- бас ауыруы, бас айналуы, ұйқышылдық

- демікпе ұстамасы (аспиринді демікпе)

- тері экземасы

- пурпура

Қандай да бір жағымсыз әсерлер пайда болған кезде препаратты қолдануды тоқтатып және дәрігерге көріну керек  

Қолдануға болмайтын жағдайлар

-        белсенді затқа немесе қосымша заттардың кез келгеніне аса жоғары сезімталдық

-        анамнезде фотосезімталдық реакциясының болуы

-        анамнезде фенофибрат, тиапрофен қышқылы, басқа ҚҚСП немесе ацетилсалицил қышқылына демікпе симптомдары, аллергиялық ринит немесе есекжем сияқты аса жоғары сезімталдық реакцияларының болуы

-         анамнезде кетопрофенге, тиапрофен қышқылына, фенофибрат немесе УК-блокаторға немесе парфюмерияға теріде аллергиялық реакциялардың болуы

-        ультракүлгін сәулеленуді қоса, күн сәулесінің әсер етуі, емдеу кезеңінде немесе оны тоқтатқаннан кейін 2 апта бойы

-        гель терінің зақымданған жерлеріне (экзема, суланған дерматит, ашық немесе инфекцияланған жаралар) және көз айналасы аймағына жағылмауы тиіс

-        12 жасқа дейінгі балалар

-        жүктілік және лактация кезеңі

Дәрілермен өзара әрекеттесуі

Гельдің басқа дәрілік заттармен өзара әрекеттесуі жөнінде хабарлар болған жоқ. Сонда да кумаринді препараттарды қабылдап жүрген пациенттерді мұқият бақылау ұсынылады, өйткені қабынуға қарсы стериодты емес препараттар гипопротромбинемиялық әсерді және ішке қабылданатын антикоагулянттармен бірге қолданған кезде қан кету қаупін күшейтуі мүмкін.  

Айрықша нұсқаулар

Гельді экзема немесе акне секілді патологиялық өзгерісі бар тері аймақтарына; не болмаса терінің инфекцияланған жерлері немесе ашық жараларға жағуға болмайды. Гельді шырышты қабықтарға немесе көзге тигізбеуге тырысу керек. Гельді жаққаннан кейін сол сәтте қолды жуу керек. Препаратты окклюзиялық (ауа өткізбейтін) таңғыштармен қолдану ұсынылмайды.

Ішу арқылы қабылданғанға қарағанда гель пішінінде кетопрофенді пайдаланғаннан кейін плазмалық концентрацияның қаншама төмен екендігіне қарамастан, анамнезінде асқазан-ішек жолының ойық жара ауруы, бүйрек және бауыр жеткіліксіздігі бар, сондай-ақ кумаринді антикоагулянттар алып жүрген науқастарға препаратты тағайындаған кезде абай болу керек. Препаратты теріге жаққаннан кейін бөртпелер пайда болса, оны қолдануды тоқтату үшін негіз болып табылады.

Емдеу кезінде және емдеуден кейін 2 апта бойы күн сәулесінің тікелей түсуінен, оған қоса солярийден аулақ болған жөн.

Балалар

Балалардағы қауіпсіздігі мен тиімділігі анықталмаған.

Жүктілік және лактация кезеңі

Препаратты жүктілік кезінде қолдануға болмайды, өйткені ҚҚСД гестационды кезеңді ұзартуы, Боталл түтігінің ерте жабылуы мен жаңа туғандарда және лактация кезеңінде өкпе гипертензиясын туындатуы мүмкін.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері 

Препараттың көлікті жүргізу және механизмдерді басқару қабілетіне ықпал етуі жөнінде деректер жоқ.

Артық дозалануы

Симптомдары:тітіркену, эритема, қышыну.

Емі: ағынды судың астында теріні мұқият жуу, препаратты тоқтату, симптоматикалық емдеу.

Шығарылу түрі және қаптамасы

45 г ішкі жабыны лакпен жабылған алюминий сықпада.

Әрбір сықпа медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшада.  

Сақтау шарттары

25˚ С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы